skip Loading - تخطي التحميل
Ahmed Mohamed Hamed

مقالات عامه

ازاي اختار أفضل كارت شاشه

2018-09-11 21:31:32 / مقالات عامه / 0 تعليق / Ahmed Hamed
...

كارت الشاشه من أهم القطع الموجودة في الكمبيوتر ، خاصتا لو أنت بتستخدم برامج الجرافيك أو المونتاج أو البرمجة ، أو حتي مهتم بالألعاب الكبيرة في الحجم ، أو عندك شاشه كبيرة وعاوز تتفرج علي أفلام بجودة عاليه جدا

طيب يا سيدي ازاي اختار كارت الشاشه المناسب ليا ، أولا كارت الشاشه دلوقت مبقاش يتوقف علي الذاكرة بتاعته وخلاص وكل أما الذاكره تكون كبيرة كل أما سرعة كارت الشاشه في المعالجه يبقي أكبر ، للأسف لا ، كارت الشاشه بقي يتوقف علي موارد كتير جدا ، فعلا ممكن يكون ذاكرته مورد مهم من باقي الموارد لكن مش كفايه لوحده ، طيب بطل لك بقي يا سيدي وقولنا المفيد علي طول وازاي اختار كارت شاشه محترم
كارت الشاشه بيتوقف علي شويه عوامل مهمه لازم تراعيها قبل ما تشتري الكارت ، ويُنصح جدا تدخل علي موافع شركات كروت الشاشه وتقرأ عن العوامل اللي هقولهالك دي علشان تقدر تختار كارت الشاشه المناسب ليك

أول عامل هو الذاكره => [Memory]
وده أكتر عامل بيخدع لما تيجي تشتري الكارت أولا خلينا نقول انا الذاكره هنا بتتقاس بالميجابايت يعني هتلاقي كروت 512 ميجابايت أو 1024 ميجابايت وهكذا ، خليك فاكر أ,عي تشتري كارت شاشه الذاكره بتاعته كبيره بقيت الموارد بتاعة الكارت قليله مقارنه بحجم الذاكره ، في الحاله دي كارت الشاشه ولا هيبقي ليه أي لازمه ، طيب يا سيدي الذاكره دي أصلا ايه فايدتها .. فايدتها يا سيدي أنها بتقوم بتخزين البيانات اللي هيتم عرضها علي الشاشه قبل معالجتها ، فكل أما تكون الذاكره كبيره كل أما تكون سعة التخزين أكبر ويكون الكارت أفضل ،

نيجي للعامل التاني وهو سرعه التوقيت [GPU Clock]
وده من أهم العوامل اللي لازم تكون عارفها قبل ما تشتري كارت الشاشه ، وده بيكون الزمن اللي بياخده كارت الشاشه لمعالجه أي بيانات أو جرافيكس لعرضها علي الشاشه أو ممكن تقول بكل بساطه هو سرعة نقل البيانات ، وده بيتقاس بالميجاهيرتز ، خليك فاكر أن كل اما كان العامل ده كبيره كل أما كانت جوده وسرعه معالجه البيانات من خلال كارت الشاشه أفضل واسرع ،

العامل التالت هو دقه الشاشه [Max Resolution ]
وده مهم جدا بالنسبه للناس اللي عندهم شاشات كبيره ، فلازم يراعوا العامل ده جدا ويكون أعلي دقه لكارت الشاشه هيا HD أو Full HD

العامل الرابع وهو من أهم العوامل اللي بيتوقف عليها كارت الشاشه وهو ال [bandwidth]
ومعناها بكل بساطه كميه المعلومات اللي ممكن للمعالج يعالجها في الثانيه الواحده ، وطبعا كلما زاد كلما كان أفضل ، طيب نيجي للعامل الخامس وده خاص بالناس اللي بتحب الألعاب وخاصتا الألعاب الكبيرة جدا في الحجم واللي الجرافيك فيها بيكون عالي جدا ، وهو ال [DirectX] فلو كنت من المهتمين بالألعاب الكبيره جدا لازم تراعي وانت بتشتري كارت الشاشه أنه يكون بيدعم أحدث الاصدارات من ال DirectX

، طيب يا سيدي ايه الكلام الكبير أوي اللي أنت قولته ده أنا مش هعرف أجيب كارت شاشه كده
، يا سيدي بكل بساطه لو شايف ان الكلام اللي فوق ده كله حوار عليك خلينا أقولك تختار كارت شاشه ازاي بكل بساطه سواء من شركه nVIDIA أو من شركه AMD
كل اللي عليك أنك تشوف فئه الكارت ده فمثلا لو بشتري كارت من شركة nVIDIA يبقي تشوف اسم الكارت بينتهي بايه لو بينتهي ب 100 أو 200 أو 300 أو 400 أو 500 مع وجود مثلا أي رمز من دول LE او GS فا دي كروت ضعيفه جدا جدا وبيكون الميموري انترفيس بتاعتها 64 بت ، لاينصح تماما بشراء مثل هذه الكروت
أما لو اسم الكارت بينتهي 600 أو 700 مع وجود رمز ال GT أو GTS فدي كروت ممتازه وينصح بشرائها لاصحاب الدخل المتوسط ودي بيكون الميموري انترفيس بتاعتها 128 بت
أما الكروت اللي أسمائها بتنتهي ب 800 أو 900 أو 950 مع وجود رمز ال GTS في الفئه التامنه فقط أو اي من الرموز التاليه في باقي الفئات زي GTX أو Ultra فالكروت دي ينصح جدا جدا جدا بشرائها خاصتا لو أنت بتهتم بالألعاب اللي الجرافيك فيها عالي جدا فده هيكون أفضا اختيار ليك وبيكون الميموري انترفيس بتاعتها من 512بت الي ما فوق
أمثله علي كروت الشاشه التي لا ينصح بشرائها Nvidia Geforce 7200 GS ، أما كروت الشاشه من الفئه الوسطي لاصحاب الدخل المتوسط زي nvidia geforce 8600 gts ، أما كروت الشاشه التي ينصح جدا جدا بشرائها خاصه لو دخلك كويس وبتهتم بالالعاب زي Nvidia Geforce 8800 Ultra ،
طيب ازاي احدد فئه كروت الشاشه الخاصه بشركه AMD هشوف الرقم التاني من الكارت وده اللي بيحدد نوعيه الكارت وقيمته ، فهثلا 9 فئه ممتازه ، 8 فئه متوسطه ، 7 فئه اقل من المتوسط ، وما اقل من ذلك فهو ضعيف ، مثال كارت نوعه 8950 الرقم الثاني هنا 9 اذن الكارت هو من قئه الممتازه اما اذا كان 8750 الرقم الثاني هنا 7 اذن هو كارت من فئه اقل من المتوسط، وهكذا.

ودي مواصفات لكارت شاشه يعتبر من أعلي وأقوي كروت الشاشه ، فلو فعلا عاوز كارت شاشه محترم ممكن تجيب كارت شاشه في حدود المواصفات دي

  • Core Clock: 750 MHz
  • Memory Clock: 900 MHz
  • PCI Express 2.0 x16 bus interface
  • 512MB /256bit GDDR3/5 memory interface
  • Shader Model 4.1
  • OpenGL 2.1
  • DirectX 10.1

، ملحوظه أخيره بس ، ممكن مثلا كارت 2GB يكون افضل من كارت UP to 5GB وده بسبب ان الكارت هيحتاج موارد أكثر من الموجوده في كارت الشاشه ، فهياخد من من رامات الجهاز الخاص بيك وبالتالي هيضعف الجهاز جداا بسبب استهلاكه لبعض الموارد الجهاز

0 تعليق


اترك تعليق

انتظار....